MYNTSAFNARAFÉLAG ÍSLANDS

Hópur áhugasamra safnara tekur að ræða hugmyndir um stofnun sérstaks félags um mynt- og seðlasöfnun og auglýst er eftir einstaklingum sem vilja gerast aðilar að slíku félagi.

Þrjátíu safnarar eru boðaðir á sérstakan stofnfund í Norræna húsinu 19. janúar. Þar er Myntsafnarafélag Íslands stofnað og því gefið nafn. Helgi Jónsson kosinn fyrsti formaður MÍ. Í framhaldinu haldnir kynningar- og skiptifundir og verðlisti yfir mynt gefinn út.

MÍ kynnir félagið fyrir almenningi með þátttöku í sýningunni Við unga fólkið í Tónabæ. Fyrsti uppboðsfundur haldinn og félagið gengur í American Numismatic Association. Félagar orðnir 150 talsins á ársafmælinu.

MÍ heldur veglega sýningu í Bogasal Þjóðminjasafns Íslands; fyrsta myntsýning sem haldin hefur verið á Íslandi.

Starfsemin komin í fremur fastar skorður. Haldnir eru mánaðarlegir skiptifundir og regluleg uppboð. Erlendur fyrirlesari fenginn til landsins.

Félagar orðnir 250 talsins.

Nýtt merki tekið í notkun. Fastir pistlar um myntsöfnun og málefni félagsins hefja göngu sína í Morgunblaðinu. Svokölluðum skiptiklúbb komið á laggirnar í húsnæði á Rauðarárstíg. MÍ heldur sýningu á seðlum og mynt í Hagaskóla, í samstarfi við Landssamband íslenzkra frímerkjasafnara.

Blað félagsins, Mynt, kemur út í fyrsta skipti, með fréttum af félagsstarfi, margvíslegum fróðleik og uppboðsskrá. Tveir félagsfundnir haldnir í mánuði, annars vegar klúbbfundur í Domus Medica og hins vegar uppboðsfundur í Templarahöllinni.

Félagar orðnir 350 talsins.

Fyrsti minnispeningur MÍ kemur út í tilefni af 10 ára afmæli félagsins. Efnt til afmælissýningar í Bogasal Þjóðminjasafns Íslands.

MÍ heldur vel heppnaða myntsýningu og markað á Akureyri í samstarfi við félag frímerkjasafnara þar.

Myntsafnarafélag Íslands gerist aðili að Norræna myntsambandinu (Nordic Numismatic Union).

MÍ tekur þátt í NORDIA-frímerkjasýningunni í Laugardalshöll í fyrsta skipti.

Fyrsti safnararmarkaður MÍ haldinn í samstarfi við nokkur önnur félög safnara á Íslandi.

MÍ er í fyrsta skipti gestgjafi þings Norræna myntsambandsins. Tuttugu ára afmæli félagsins er fagnað með útgáfu minnispenings.

MÍ fær nýtt aðsetur í húsnæði Landssambands íslenzkra frímerkjasafnara í Síðumúla 17 og hefur frá þeim tíma haft þar helstu bækistöðvar fyrir starfsemi sína.

MÍ stendur að röð fræðslufunda, 7-10 á ári, næstu misseri um margvísleg efni sem tengjast söfnun.

MÍ heldur mjög vel heppnaða sýningu í Hafnarborg. Aukin breidd í söfnun félagsmanna kemur þar vel í ljós.

MÍ fikrar sig inn í tölvuöld með því að opna heimasíðu á netinu.

MÍ heldur glæsilega sýningu í Norræna húsinu. Fjölbreytnin í fyrirrúmi og aðsókn mjög góð.

MÍ kemur sér upp facebook-síðu til að koma á framfæri tilkynningum og fréttum af hefðbundnu starfi.

MÍ heldur metnaðarfulla sýningu í sal Ferðafélags Íslands í tilefni ef 50 ára afmæli félagsins. Sýningin fær mikla umfjöllun og athygli og staðfestir að félagið er öflugur vettvangur safnara af öllu tagi.

Fjöldi félaga 289.